ড০ ভবেন্দ্ৰ নাথ শইকীয়া দেৱৰ অসমীয়া
চলচ্চিত্ৰ জগতৰ এজন খ্যাতিমান পৰিচালক । তেওঁৰ প্ৰত্যেকখন বোলছবিয়ে ৰুচি আৰু
কলাত্মক সম্পন্ন । তেওঁৰ সন্ধ্যাৰাগ, অনিৰ্বাণ, অগ্নিস্নান, ইতিহাস আৰু সাৰথি আদি চলচ্চিত্ৰ কাহিনীয়ে জনসাধৰণৰ দ্বাৰা
প্ৰভূত সমাদৃত হৈছে ।
ড০ ভবেন্দ্ৰ নাথ শইকীয়াৰ বোলছবি সমূহৰ ভিতৰত:- সন্ধ্যাৰাগ
(১৯৭৮), অনিৰ্বাণ ( ১৯৮১),
কোলাহল ( ১৯৮৮),
সাৰথি
( ১৯৯২), আৱৰ্তন ( ১৯৯৪), ইতিহাস ( ১৯৯৬), আদি চলচ্চিত্ৰৰ বাবে ভাৰত চৰকাৰৰ ৰজত কমল বঁটা লাভ কৰিছিল ।
তেওঁ ১৯৮৫ চনত " অগ্নিস্নান " ৰ বাবে শ্ৰেষ্ঠ
চিত্ৰনাট্যৰ বঁটা লাভ কৰিছে । তেওঁৰ এই
চলচ্চিত্ৰখন ১৯৮৬ চনত ভাৰতত অনুষ্ঠিত হোৱা আন্তঃৰাষ্ট্ৰীয়
চলচ্চিত্ৰ মহোৎসৱলৈ নিৰ্বাচিত হৈছিল ।
মই বৰ্তমানলৈকে তেওঁৰ সন্ধ্যাৰাগ,
অগ্নিস্নান, ইতিহাস, কোলাহল, আৱৰ্তন এই বোলছবি কেইখন চোৱাৰ সৌভাগ্য হৈছে । সঁচাকৈয়ে ড০
ভবেন্দ্ৰ নাথ শইকীয়াৰ বোলছবি সমূহৰ ভিতৰত সমাজ আৰু জীৱনৰ বিভিন্ন চৰিত্ৰ তেওঁৰ
কাহিনীৰ জৰিয়তে প্ৰতিফলিত হোৱা দেখা যায় । তেখেতৰ বোলছবি সমূহে মোক যথেষ্ট
পৰিমানে অনুপ্ৰাণিত কৰে । বিশেষকৈ তেওঁৰ নিখুঁত চৰিত্ৰ সমূহৰ পৰিকল্পনা,
গভীৰ পৰ্যবেক্ষণ শৈলী,
আৰু কাহিনীসমূহ ফুটাই তুলিবৰ বাবে
কাহিনীটোৰ মাজেৰে সামাজিক আৰু মানৱীয় দৃষ্টিৰে আলোকপাত কৰা দেখা যায়,
সেইবাবেই হয়তো তেখেতৰ লেখনিয়ে হওঁক বা
বোলছবিয়ে প্ৰতিটো চৰিত্ৰৰ সৃষ্টিয়ে মোক বাৰুকৈয়ে চুঁই যায়।
.jpg)
.jpg)
